"ეს ყველაფერი რეპუტაციის შელახვით ისჯება!" - ჰამანი ბაიერნს აკრიტიკებს

მიუნხენის ბაიერნის ყოფილი ფეხბურთელი, დიტმარ ჰამანი გერმანული კლუბის სატრანსფერო პოლიტიკით გაღიზიანებულია და პასუხისმგებელ პირებს მწვავედ აკრიტიკებს:

"იცით სად არის ბაიერნის მთავარი პრობლემა? მათ გასულ წელს ბევრ ფეხბურთელს მისცეს კონტრაქტის განახლების პირობა, თუმცა შემდეგ ეს არ გაუკეთებიათ, რაც საბოლოოდ საერთო რეპუტაციის შელახვით ისჯება!"

"ბაიერნს კომუნიკაციის სერიოზული პრობლემები აქვს. მათ შეეძლოთ, რომ ბევრი წარუმატებლობა აერიდებინათ თუ წინასწარ დასხდებოდნენ და ფინანსურ მენეჯმენტს წესიერად დაალაგებდნენ", - თქვა ჰამანმა.