უარი საუდის არაბეთს - კიმს ბაიერნში დარჩენა და ავტორიტეტის გაზრდა სურს

მიუხედავად იმისა, რომ კიმ მინ-ჯეს საუდის არაბეთს აქტიურად უკავშირებენ, თავად კორეელ ფეხბურთელს სულ სხვა გეგმები აქვს.

როგორც გერმანულ მედიაში წერენ, კიმს კლუბში დარჩენა და ბაიერნის ბოსებზე შთაბეჭდილების მოხდენა სურს, რათა ისეთივე ავტორიტეტი მიიღოს, როგორიც ნაპოლიში ჰქონდა.

Bild-მა დაწერა, რომ კიმისთვის მთავარი ნდობა და სასტარტოში გარანტირებული ადგილია. თუ მინ-ჯე დაინახავს, რომ ახალი სეზონისთვის შესაბამის გარანტიები არსებობს, მაშინ არსადაც არ წავა და კვლავ ბაიერნისთვის ითამაშებს.

თუ ბაიერნი კიმზე ხელს ბოლომდე ჩაიქნევს, მაშინ პრობლემებს არც ფეხბურთელი შექმნის და გეზს საუდისკენ აიღებს, რაშიც კლუბს 40 მილიონი ევროს აღება შეეძლება.