რომანომ დაადასტურა - ბაიერნმა და ჩელსიმ ნკუნკუზე მოლაპარაკებები დაიწყეს

ფაბრიციომ ახლახანს დაადასტურა, რომ ბაიერნმა და ლონდონის ჩელსიმ კრისტოფერ ნკუნკუს ტრანსფერზე მოლაპარაკებები დაიწყეს.

თუ ვოლტემადეს შემთხვევაში საქმე რთულადაა, აქ, სავარაუდოდ კლუბებმა შეთანხმებას მარტივად უნდა მიაღწიონ, რასაც ხელს რამდენიმე ფაქტორი შეუწყობს.

პირველ რიგში, ნკუნკუს თავად სურს ჩელსის დატოვება და ბაიერნში თამაში, რასაც არც ინგლისური კლუბი ეწინააღმდეგება.

გარდა ამისა, არც სატრანსფერო ფასზე უნდა იყოს დიდი კამათი, რადგან ნკუნკუს ლაიფციგის ღირებულება აღარ აქვს და გაბერილ თანხებს ჩელსი ფიზიკურად ვერ მოითხოვს.

ამდენად, წესით, სულ მალე ნკუნკუ ბაიერნის მოთამაშე 30-40 მილიონი ევროს ფარგლებში უნდა გახდეს.