ოლისეს გავლენით - მიუნხენის ბაიერნს ებერიჩი ეზე დაუკავშირეს

ბოლო პერიოდში გავრცელებული ინფორმაციის თანახმად, ებერიჩი ეზეს კრისტალ პალასიდან წასვლა სურს, მის ტრანსფერთან კი ყველაზე ახლოს ტოტენჰემი და არსენალი არიან.

მიუხედავად ამისა, სამომავლო კლუბის სიაში ბაიერნიც ფიგურირებს, რომელსაც ეზეს დასარწმუნებლად მაიკლ ოლისეს გავლენის გამოყენება შეუძლია.

როგორც გახსოვთ, ოლისე ბაიერნმა სწორედ პალასიდან მოიყვანა, სადაც ფრანგ შემტევს ეზესთან კარგი მეგობრობა აკავშირებდა, ამის გამო კი ოლისე გერმანელების ფარულ ჯოკრად მოინათლა.

ისიც უნდა ითქვას, რომ ეზესა და ბაიერნის შესახებ ბევრი ახალი არაფერი იწერება, თუმცა ოლისეს ფაქტორი დღიდან დღემდე უფრო და უფრო საინტერესო ხდება, მით უფრო იმიტომ, რომ ბაიერნი დიასის მიღმა სხვა შემტევის დამატებას უბრალოდ ვერ ახერხებს.