მორიგი გაშვებული ტალანტი? - ნიკ ვოლტემადემ ნიუკასლთან შეთანხმებას მიაღწია

ორი წინადადების უარყოფის შემდეგ, ნიკ ვოლტემადე ბაიერნს მაინც ელოდებოდა, ბოლოს კი მისი ტრანსფერი ნიუკასლში განხორციელდა.

სწორედ ამას წერს ფლორიან პლეტენბერგი, რომლის თქმითაც მხარეებს შორის შეთანხმება შედგა, ნიუკასლი კი შტუტგარტს 85-90 მილიონ ევროს გადაუხდის.

ირკვევა, რომ ფეხბურთელი უახლოეს საათებში გუნდელებს დაემშვიდობება და ინგლისში გაემგზავრება.

შეგახსენებთ, რომ ბოლოს ბაიერნმა შტუტგარტს ვოლტემადეს სანაცვლოდ 60 მილიონ ევრომდე შესთავაზა, რაც უარით იქნა გასტუმრებული.