ტრანსფერი ბოლო წამს იშლება? - ჯექსონი უკვე მიუნხენშია და უკან აბრუნებენ

გავრცელებული ინფორმაციით, მიუნხენში ჩასულ ნიკოლას ჯექსონს, რომელმაც ბაიერნთან უკვე ყველაფერი შეათანხმა, ჩელსი უკან აბრუნებს.

საქმე ლიამ დელაპის ტრავმას ეხება. პრემიერ ლიგის მესამე ტურში ჩელსის ფორვარდმა თამაში ნაადრევად დაზიანების გამო დატოვა, რამაც ჩელსის ხელმძღვანელობა დააპანიკა და გადააწყვეტინა, რომ ჯექსონი უნდა შენარჩუნდეს.

თავის მხრივ, სენეგალელი ფორვარდი უკვე გერმანიაშია და ბაიერნთან სურს კონტრაქტის გაფორმება, ჩელსი კი უკან ექაჩება.

როგორც წერენ, ჯექსონი მომხდარით ძალიან გაღიზიანებულია და უკან გაბრუნებას არ აპირებს.