მისტერ ანტირეკორდი - ერიკ ტენ ჰაგს ლევერკუზენიდან 2 ტურის მერე აგდებენ

ჟურნალისტი ფლორიან პლეტენბერგი ირწმუნება, რომ ბუნდესლიგის ორი ტურის გასვლის შემდეგ ერიკ ტენ ჰაგს ბაიერ ლევერკუზენი მთავარი მწვრთნელის პოსტიდან გაშვებას უპირებს.

ჯერჯერობით გადაწყვეტილება 100%-ით არ არის მიღებული, თუმცა ნაჩვენები შედეგებიდან გამომდინარე, არსებობს სერიოზული საფრთხე იმისა, რომ ნიდერლანდელი სპეციალისტი თანამდებობიდან უმოკლეს დროში დაითხოვონ.

ტენ ჰაგმა ბაიერ ლევერკუზენს ბუნდესლიგის ორ ტურში მხოლოდ ერთი ქულა მოუტანა. პირველ ტურში გუნდი ჰოფენჰაიმთან საშინაო კედლებში დამარცხდა, მეორე ტურში კი ლევერკუზენს ქულები კაცნაკლულმა ვერდერმა წაართვა.