დასასრული ახლოვდება - მაქს ებერლი ბაიერნიდან გადადგომას აპირებს?

ბოლო საათებში გერმანულ მედიაში აქტიურად იწერება იმის შესახებ, რომ ქაოსური სატრანსფერო ფანჯრის შემდეგ მაქს ებერლი შესაძლოა თანამდებობიდან თავისივე გადაწყვეტილებით გადადგეს.

იმის გამო, რომ ბაიერნმა ბევრი ვერავინ დაიმატა და ვინც იყიდა, მათში მოსალოდნელზე ბევრად მეტი გადაიხადა ან მომავალში მოუწევს გადახდა, ებერლის სახელი ბორდში ძალიან დაუვარდა.

უკანასკნელი შეხვედრებიდან მოსალოდნელი სწორედ ეს გახლავთ. შესაძლოა, უახლოეს პერიოდში ბაიერნის სპორტული დირექცია ებერლიმ თავისივე სურვილით დატოვოს.

ვინ იქნება მისი ჩამნაცვლებელი, ამაზე ჯერ არაფერი იწერება, თუმცა გასული კვირების განმავლობაში რამდენიმე კანდიდატურა უკვე დასახელებულია (მაგალითად, აინტრახტის მარკუს კროშე).