დღეში 100 000 ევრო - რა დაუჯდა ლევერკუზენს ტენ ჰაგის გუნდიდან გაგდება

ერიკ ტენ ჰაგი პირველ სექტემბერს ლევერკუზენის მთავარი მწვრთნელის პოსტიდან ისე გაათავისუფლეს, რომ აღნიშნულ თანამდებობაზე ნიდერლანდელმა სპეციალისტმა მხოლოდ 2 თვე იმუშავა.

როგორც Bild-მა გაავრცელა ინფორმაცია, ლევერკუზენს ტენ ჰაგისთვის კონტრაქტის გაწყვეტა და გუნდიდან გაგდება ძალიან, ძალიან ძვირი დაუჯდა.

ტენ ჰაგისთვის გადასახდელი თანხა კონტრაქტით რეგულირდება, რომელიც 2027 წლამდე იყო ძალაში. Bild-ის თქმით, ნაადრევად გაშვების გამო ტენ ჰაგი 5 მილიონ ევროს მიიღებს, თუმცა ამას ორი თვის ხელფასი დაემატება და ნიდერლანდელზე ლევერკუზენს 6 მილიონი ექნება მისაცემი.

ეს იმას ნიშნავს, რომ ლევერკუზენი 6 მილიონს 60 დღის სამუშაოში იხდის, ანუ, ტენ ჰაგი დღიური სამუშაოსთვის 100 000 ევროს აიღებს.