ბაიერნს ბეტისი არჩია - ანტონის უარი სატრანსფერო ფანჯრის ბოლო საათებში

გერმანულ მედიაში ანტონის კომენტარი ვრცელდება, რომელიც თვითონვე ადასტურებს, რომ სატრანსფერო ფანჯრის ბოლო საათებში წინადადება ბაიერნისგან მიიღო, თუმცა ფეხბურთელმა ბეტისისთვის მიცემული სიტყვა შეასრულა და ლა ლიგაში დარჩა:

"ბეტისთან ყველაფრის დასრულებამდე ერთი დღით ადრე ვესაუბრე ბაიერნს. არ ვიცი, შვიდი მილიონი იყო თუ არა შეთავაზება, ამაზე არ მისაუბრია. მაგრამ როდესაც მათ ვესაუბრე, ვუთხარი, რომ ბეტისს სიტყვა მივეცი და ყველაფერი 95%-ით დასრულებული იყო, მე კი ჩემს სიტყვას შევასრულებ."

"პატივისცემის, სიყვარულისა და იმის ცოდნის გამო, რომ აქ ბედნიერი ვარ, მშვიდად ვიღებ ამ გადაწყვეტილების, მიუნხენის ბაიერნის, მსოფლიოს სამი საუკეთესო კლუბის წევრის მიმართ სრული პატივისცემით. არ ვიცი, რა მოხდება მომავალში", - თქვა ანტონიმ.