შტუტგარტის 24 წლის ნახევარმცველმა, ანჯელო შტილერმა კომენტარი მიუნხენის ბაიერნში შესაძლო დაბრუნებაზე გააკეთა:
"ამ წუთისთვის ტრანსფერზე საერთოდ არ ვფიქრობ, თუმცა მთლიანობაში მირჩევნია, რომ საზღვარგარეთ წავიდე სათამაშოთ. ვფიქრობ, ის, რაც ფლორიან ვირცმა გააკეთა, ნამდვილად მაგარი იყო."
"მე სამომავლო კარიერაზე მხოლოდ ერთი რამ ვიცი. მინდა, რომ კარიერის ბოლოსკენ ამერიკის ჩემპიონატში ვითამაშო", - თქვა შტილერმა.
ანჯელო შტილერმა ბაიერნი 2021 წელს დატოვა და ჰოფენჰაიმში გადავიდა, იქედან კი შტუტგარტში 2 წლის შემდეგ გადაბარგდა.