4 ტურში განაღდებული ტიტული? - რა შანსი მისცა სუპერკომპიუტერმა ბაიერნს ბუნდესლიგის მოგებაზე

ახალი სეზონის ბუნდესლიგაში ჯერ მხოლოდ ოთხი ტური გავიდა, კონკურენტებთან შედარებით კი ბაიერნი ძალიან მძლავრად გამოიყურება.

ვენსან კომპანის გუნდმა ოთხიდან ყველა თამაში მოიგო და პირველობის დათმობას არავისთან აპირებს, რის პარალელურადაც დანარჩენი გუნდები მაღალი ეშელონებიდან არც ისე დამაჯერებლები ჩანან.

მაგალითად, ბაიერნმა ლაიფციგი პირველივე ტურში გაანადგურა, დორტმუნდმა კი ქულების დაკარგვა სანტკ პაულის წინააღმდეგ უკვე მოასწრო. ასევე, ცუდ ფორმაშია ლევერკუზენიც, რომელსაც 12 შესაძლო ქულიდან მხოლოდ 5 ქულა აქვს აღებული.

ჰოდა, ასეთ ვითარებაში სუპერკომპიუტერი ბაიერნს ოთხი ტურის შემდეგ ბუნდესლიგის ჩემპიონობაზე მთელ 80%-ს ანიჭებს, ტიტულის დაკარგვაზე კი 5%-იანი შანსია გამოყოფილი.