უფასო ტრანსფერების მადლი - ბაიერნის რადარზე გეჰი და ვლაჰოვიჩიც არიან

Bild-ის ჟურნალისტი, ტობი ალტშაფლი დღეს ბაიერნის შესახებ დაწერით ძალიან აქტიურობს. მან ამჯერად მარკ გეჰისა და დუშან ვლაჰოვიჩის შესაძლო ტრანსფერები განიხილა და თქვა, რომ ბაიერნს ორივეს დამატება 2026 წლის ზაფხულში უფასოდ შეეძლება.

გეჰისაც და ვლაჰოვიჩსაც თავიანთ კლუბებთან კონტრაქტი სეზონის ბოლოს ეწურებათ, ხელშეკრულების განახლებას კი არც ერთი აპირებს და არც მეორე.

თავის მხრივ, ბაიერნის სატრანსფერო რადარზე ორივე ეს ფეხბურთელია და მათ გაფორმებას კლუბი მომდევნო წლის ზაფხულში უფასოდ ეცდება.

ტრანსფერების აუცილებლობაზე გავლენას დაიოტ უპამეკანოსა და ჰარი კეინის სამომავლო გადაწყვეტილებებიც იმოქმედებს. თუ ამ ორიდან რომელიმე კლუბს დატოვებს, მაშინ მათი შემცვლელის მოყვანა ერთიორად საჭირო და მნიშვნელოვანი გახდება.