ბაიერნი სერჟ გნაბრის მხოლოდ ერთი პირობით დაიტოვებს - ფეხბურთელი თანახმაა

სერჟ გნაბრის ბაიერნთან კონტრაქტი 2026 წლის ზაფხულში ეწურება და როგორც გერმანულ მედიაში წერენ, კლუბში სურთ, რომ ფეხბურთელი არ წავიდეს, ოღონდ მხოლოდ ერთი პირობით.

გნაბრი ბაიერნში ახლა 17-18 მილიონ ევროს შოულობს და თუ მას გუნდში დარჩენა სურს, მაშინ ხელფასის შემცირებაზე თანხმობა უნდა განაცხადოს, რაზეც ფეხბურთელბს პრობლემა არ აქვს.

სერჟი ბაიერნში ყველას მოსწონს. ის საკმაოდ დადებით გავლენას ახდენს თანაგუნდელებზე, შესაბამისად, კლუბსაც სურს, რომ ფეხბურთელს ახალი კონტრაქტი მისცეს, ოღონდ დაქვეითებული შემოსავლით.

მიუხედავად ხელფასის ვარდნისა, გნაბრი თანახმაა და აპირებს, რომ ბაიერნთან ხელშეკრულება რამდენიმე წლით გაახანგრძლივოს.