ჰარი კეინი ბოლოსკენ ტრავმის გამო შეცვალეს - რას წერენ დაზიანებაზე

სულ ცოტა ხნის წინ დასრულდა ბუნდესლიგის შეხვედრა აინტრახტსა და ბაიერნს შორის, რომელიც კომპანის გუნდმა გასვლაზე 3:0 მოიგო.

რეკორდმაისტერისთვის გოლები ჰარი კეინმა და ლუის დიასმა (2) გაიტანეს, მატჩის საუკეთესო ფეხბურთელი კი სწორედ დიასი გახდა (8.9).

სამწუხაროდ, მატჩის ბოლოსკენ ჰარი კეინმა ფეხზე დაზიანება მიიღო და მოედანი 85-ე წუთზე იძულებით დატოვა, მისი ადგილი კი ნიკო ჯექსონმა დაიკავა.

უახლესი ინფორმაციით, ჯერჯერობით სერიოზული არაფერი ჩანს და კომპანიმ კეინის შეცვლა უბრალოდ თავის დაზღვევის მიზნით გადაწყვიტა.