261 მილიონი არაბებისგან - ალ ჰილალი კეინისთვის წარმოუდგენელ შეთავაზებას ამზადებს

Bild-ის ჟურნალისტი, კრისტიან ფალკი წერს, რომ საუდის არაბეთის ლიგის გუნდი, ალ ჰილალი ჰარი კეინის სანაცვლოდ წარმოუდგენელ წინადადებას ამზადებს.

როგორც ირკვევა, ალ ჰილალი მზადაა, რომ ინგლისელ ფეხბურთელს 3-წლიან კონტრაქტში 261 მილიონი ევრო შესთავაზოს!

ასეთი რამ ევროპისთვის სენსაციურია, მაგრამ არა არაბებისთვის. მაგალითისთვის, მათ ერთ სეზონში, უფრო სწორად კი 3 თამაშში ნეიმარს 100 მილიონ ევრომდე გადაუხადეს, ამ ფორმაში მყოფი კეინის ღირებულება კი გაცილებით, გაცილებით მაღალია.

თავად კეინის ფასი ბაიერნში ახლა 100 მილიონი ევროა, რისი გადახდაც ალ ჰილალს ძალიან იოლად შეუძლია, მაგრამ ნაკლებად სავარაუდოა, რომ კეინმა ბაიერნის ახლა დატოვება გადაწყვიტოს, მომავალში კი არაფერი იქნება გამორიცხული.