35 მილიონად ბაიერნში - ვირცზე მოულოდნელი ინფორმაცია ვრცელდება

ფლორიან ვირცს, რომელშიც ლივერპულმა ზაფხულში 150 მილიონი ევრო გადაიხადა, ახალ სეზონში 0 საგოლე მოქმედება აქვს, არადა გერმანელმა ნახევარმცველმა უკვე 9 შეხვედრა ჩაატარა.

თავდაპირველად კლუბში ყოველივე ამას მშვიდად უყურებდნენ, თუმცა რაც დრო გადის, ხელმძღვანელობა მით უფრო რწმუნდება იმაში, რომ სლოტმა ვირცში არასწორი პროფილის ფეხბურთელი დაინახა, რომელსაც მთავარი მწვრთნელი ვერაფრით ვერ იყენებს.

ჰოდა, ახლა ინგლისში დაიწყეს წერა, რომ ლივერპულს სურს ვირცის ბაიერნისთვის 35 მილიონ ევროდ შეთავაზება, წინადადებას კი კლუბი ზამთარში დაელოდება.

იწერება ისიც, რომ შესაძლოა ლივერპულმა ლეონ გორეცკას ტრანსფერზე დაიწყოს მუშაობა, რომელსაც ბაიერნში შემცვლელები უკვე ისედაც ჰყავს და დიდი დრო არ აქვს დარჩენილი.

მოკლედ, ლივერპულის ბოსები ნელ-ნელა იმ აზრამდე მიდიან, რომ ვირცის სანაცვლოდ 150 მილიონი ევროს გადახდა შეცდომა იყო, რომლითაც, არის შანსი, რომ ზამთარში ბაიერნმა იდეალურად ისარგებლოს.