ვინ უნდა იდგეს მუნდიალზე გერმანიის კარში? - რუდი ფიოლერის რჩევა

ლეგენდარული რუდი ფიოლერი გერმანულ მედიასთან განიხილავს საკითხს თუ ვინ უნდა დაიცვას ეროვნული გუნდის კარი მოახლოებულ მსოფლიოს ჩემპიონატზე:

"მიუხედავად იმისა, რომ ოლივერ ბაუმანი კარგად გამოიყურება, ტერ შტეგენის დონის მეკარე მსოფლიოს ჩემპიონატზე თამაშს ნამდვილად იმსახურებს. დიდი იმედი გვაქვს, რომ მარკი დაბრუნდება, თუმცა იმისათვის, რომ ის ნაგელსმანისთვის პირველი არჩევანი იყოს, მას საკლუბო დონეზე თამაში აუცილებლად მოუწევს, იქნება ეს ბარსელონაში თუ სხვაგან. რაც შეეხება ნოიერის შესაძლო დაბრუნებას, ამაზე საუბარი ჯერ ადრეა და მოდით, ყველაფერს ნაბიჯ-ნაბიჯ მივყვეთ", - ამბობს ფიოლერი.

ბოლო დღეებში ნოიერზე დაიწერა, რომ ის მზადაა ეროვნულ ნაკრებში დასაბრუნებლად და ბოლო მუნდიალის ჩასატარებლად, თუმცა დადასტურებულ დონეზე ჯერჯერობით არაფერი თქმულა.