ბაიერნმა სატრანსფერო სამიზნეებში ნოტინგემის ბრაზილიელი მცველი შეიყვანა

Bild-ის ინფორმაციით, მიუნხენის ბაიერნმა სატრანსფერო სიას კიდევ ერთი ფეხბურთელი დაამატა და ამჯერად საქმე ნოტინგემის ბრაზილიელ ცენტრალურ მცველს ეხება.

ეს გახლავთ 23 წლის მურილიო, რომელიც ინგლისის პრემიერ ლიგაში უკვე მესამე სეზონს იწყებს და საკმაოდ კარგადაც გამოიყურება, რის გამოც ბაიერნის ინტერესი ლოგიკურად შეგვიძლია მივიჩნიოთ.

1.80 მურილიო კარგად გამოიყურება როგორც 4-მცველიან, ისე 5-მცველიან სქემებში, ეს კი მთავარ მწვრთნელს არჩევნის თავისუფლებას მისცემს.

ერთი პრობლემა ისაა, რომ ფეხბურთელს ნოტინგემ ფორესტთან კონტრაქტი 2029 წლამდე აკავშირებს, რის გამოც მისი დამატება იაფი და იოლი ვერ იქნება.