გაირკვა ვისთან ითამაშებს გერმანია ბოლო მატჩს მსოფლიო ჩემპიონატის დაწყებამდე

თუ იულიან ნაგელსმანის გერმანიამ მსოფლიოს შესარჩევი თავიდან არადამაჯერებლად დაიწყო, გუნდმა ოქტომბერში სიტუაცია გამოასწორა და ახლა ჯგუფის პირველ პოზიციას იკავებს.

გერმანელებს ჯერ კიდევ დარჩათ ორი ოფიციალური თამაშის ჩატარება. ერთი ლუქსემბურგთან უნდა გაიმართოს, მეორე კი სლოვაკეთთან.

რაც შეეხება ამხანაგურ მატჩებს, ისინი კოტ დ'იუვართან და ფინეთთან არის დაგეგმილი, Bild-მა კი იმ შეხვედრის შესახებ დაწერა, რომელიც მსოფლიო ჩემპიონატის დაწყებამდე გერმანიისთვის უკანასკნელი იქნება.

როგორც ვკითხულობთ, ნაგელსმანის გუნდი მუნდიალის დაწყებამდე გენერალურ რეპეტიციას მასპინძელ აშშ-ის ნაკრებთან გაივლის.