3 მიზეზი თუ რატომ არის ბაიერნი დერ კლასიკერის უპირობო ფავორიტი

18 ოქტომბერს ბუნდესლიგაში დერ კლასიკერი გაიმართება, სადაც მასპინძელი ბაიერნი იქნება, რომელიც ეცდება, რომ დორტმუნდთან სეზონში მე-11 გამარჯვება გაიფორმოს.

გთავაზობთ 3 მიზეზს, რის გამოც ბაიერნი მომავალი შეხვედრის უპირობო ფავორიტად მოიაზრება:

გამოცდილება და ფსიქოლოგიური უპირატესობა
ბაიერნს დერ კლასიკერებში ბოლო წლების განმავლობაში აშკარა უპირატესობა აქვს — ბოლოდროინდელი დაპირისპირებების უმეტესობა სწორედ მიუნხენელებმა მოიგეს. ასეთ დიდ თამაშებში გამოცდილება და სიმშვიდე გადამწყვეტ როლს თამაშობს, რაც ბაიერნის ფეხბურთელებს უხვად აქვთ (ნოიერი, კიმიხი, კეინი და სხვები).

ინდივიდუალური კლასის დონე და შემტევი ძალა
ბაიერნს ჰყავს ფეხბურთელები, რომლებსაც შეუძლიათ ერთი მომენტით გადაწყვიტონ მატჩის ბედი — ჰარი კეინი, გნაბრი, ოლისე და სხვები. ამის პარალელურად, დორტმუნდის დაცვა ხშირად მერყევია, ბაიერნის შემტევები კი მცირე სივრცეებშიც ეფექტურად მოქმედებენ.

ტაქტიკური მოქნილობა და დისციპლინა
თუნდაც როცა ბაიერნი ფორმის პიკზე არ არის (ახლა კი აბსოლუტურად საპირისპირო შემთხვევაა), მათ ხშირად მაინც აქვთ უკეთესი ტაქტიკური ორგანიზება. გუნდი სწრაფად ერგება მეტოქეს და იცის, როგორ უნდა აკონტროლოს ტემპი — განსაკუთრებით ტოპ-მატჩებში, სადაც შეხვედრაში არსებულ სცენარზე რეაგირების სისწრაფე გადამწყვეტია.