ახალგაზრდა თანამემამულე გაამხნევა - როგორ დაიცვა კეინმა ბელინგემი შეცდომის შემდეგ

გუშინდელ თამაშში ჯობ ბელინგემმა შეცდომა დაუშვა, რომლითაც მაიკლ ოლისემ ისარგებლა და ბაიერნს მეორე გოლი მოუტანა.

მატჩის შემდეგ ჯობმა დიდი კრიტიკა მიიღო, თუმცა თანამემამულეს ჰარი კეინი გამოექომაგა:

"მისთვის ეს რთული სიტუაცია იყო. მან პირველი ბურთის კონტროლი სცადა, მაგრამ ოლისეს კარგი რეაგირება ჰქონდა და ბურთში მალევე ჩაუცურდა. ეს ჯობისთვის სამწუხარო იყო, მაგრამ მან უბრალოდ უნდა გააგრძელოს და ბევრი იშრომოს."

"ის კარგი მოთამაშეა დიდი პოტენციალით. დარწმუნებული ვარ, რომ ახლა მას მეტი თამაში სურს, მაგრამ ეს ამ დონეზე სწავლის ნაწილია. მას დიდი მომავალი ელის, უბრალოდ უნდა გააგრძელოს მუშაობა", - თქვა კეინმა.