"ამიტომ ვაკეთებთ ყველაფერს ნელა" - ჯამალ მუსიალა თავის დაბრუნებაზე ალაპარაკდა

ჯამალ მუსიალამ დღეს მინდორზე ვარჯიში განაახლა, რის შემდეგაც ბაიერნის ახალგაზრდა ვარსკვლავმა კომენტარი დაბრუნებაზეც გააკეთა:

"მოედანზე დაბრუნება ძალიან კარგი იყო. თავი კარგად ვიგრძენი და ფეხიც კარგად მქონდა. რამდენიმე კვირის წინ, პირველი ნახტომი გავაკეთე, შემდეგ სარბენი ბილიკი, ახლა კი მოედანზე დაბრუნება, ეს შესანიშნავია. ყოველკვირა ახალ ნაბიჯს ვდგამ წინ. ახლა მიზანი ისაა, რომ კვლავ შევეჩვიო სირბილს, პასის კეთებასა და დარტყმას. საჩქარო არაფერია. მინდა, რომ 100%-ით მზად დავბრუნდე, ამიტომ ვაკეთებთ ყველაფერს ნელა", - ამბობს მუსიალა.

როგორც გამოცემები ვარაუდობენ, ჯამალ მუსიალა ბაიერნს მიმდინარე წლის ბოლოსკენ უნდა დაუბრუნდეს.