ტრანსფერი მაინც შედგება? - რას ამბობს ნიკ ვოლტემადე ბაიერნში თამაშზე

ნიკ ვოლტემადე, რომელიც 90 მილიონი ევროს სანაცვლოდ შტუტგარტიდან ნიუკასლში გადავიდა, ახალ კლუბში შესანიშნავად გამოიყურება და გოლი გოლზე გააქვს.

მიუხედავად იმისა, რომ ბაიერნს მისი ტრანსფერი ჩაუვარდა, Bild-ის თქმით, ვოლტემადე მაინც იმედოვნებს, რომ სამომავლოდ ბაიერნში გადავა სათამაშოდ.

როგორც ვკითხულობთ, გერმანელ ფეხბურთელს ბაიერნისთვის კარი არ დაუხურავს და რამდენიმე სეზონის შემდეგ, მიუნხენელები კვლავ უნდა ეცადონ მის შეძენას.

ერთი პრობლემა ისაა, რომ ნიუკასლი იაფად მას ნამდვილად არ გამოუშვებს, მით უმეტეს იმ შემთხვევაში, თუ ვოლტემადე ასეთ შედეგიან სვლას გააგრძელებს.