წინდახედული ნაბიჯი - რა გადაწყვიტა ვენსან კომპანიმ მაიკლ ოლისესათან დაკავშირებით

მაიკლ ოლისე, რომელიც პრაქტიკულად არ ისვენებს და ყველა შეხვედრაში იღებს მონაწილეობას, გარკვეულ დროს იმსახურებს საიმისოდ, რომ ძალები აღიდგინოს და კვლავ რეგულარულად, უტრავმოდ ითამაშოს ბაიერნის შემადგენლობაში.

სწორედ ამის შესახებ წერს გერმანული მედია ბოლო დღეებია. ოლისე კომპანის გუნდის საკვანძო ფეხბურთელია, თუმცა მცირედი დრო დასასვენებლად, ცხადია, ფრანგ ვინგერსაც სჭირდება, რომელიც, ამავე მედიის აზრით, ბოლო შეხვედრაში უკვე გადაღლილი ჩანდა.

ჰოდა, ახლა იწერება, რომ ბელგიელი მწვრთნელი ოლისეს დასვენებას აპირებს. ბაიერნი 29 რიცხვში თასზე კიოლნს ხვდება და მოსალოდნელია, რომ მაიკლი ძირითადში არ იყოს, მით უმეტეს იმის ფონზე, რომ მის პოზიციაზე ლენარტ კარლი ბრწყინვალედ გამოიყურება, რომელიც დროის მიცემას ნამდვილად იმსახურებს.