გაბრაზებულია და მითითებებიც გასცა - რა მოსთხოვა ჰიონესმა ბაიერნის სპორტულ დირექციას

ბაიერნის საპატიო პრეზიდენტი, ული ჰიონესი უკმაყოფილოა იმით, რომ კლუბმა ბოლო სატრანსფერო ფანჯარაზე ფეხბურთელების ყიდვას ძალიან დიდი დრო და ძალისხმევა დაახარჯა.

Sky-ის ინფორმაციით, ჰიონესი ფროინდსა და ებერლის სთხოვს, რომ ზამთარში ან მომდევნო ზაფხულს სამიზნეები უფრო მალე და უმტკინვეულოდ დაიმატონ, რათა ტრანსფერის გარშემო ნაკლები სპეკულაციები შეიქმნას.

გარდა ამისა, ჰიონესს ისიც არ მოსწონს, რომ პირველი სამიზნეების მოყვანას გუნდი ვერ ახერხებს, მაგალითად, ასეთი ნიკ ვოლტემადეა, რომლის ყიდვასაც კლუბი საკმაოდ დიდი ხნის განმავლობაში ცდილობდა.

ამ ზამთარს ბაიერნს ყველაზე ხშირად მარკ გეჰის და ნიკო შლოტერბეკს უკავშირებენ, ჰიონესი კი ელის, რომ ერთ-ერთს კლუბი მალევე და დიდი კონკურენციის გარეშე დაიმატებს.