არც გადაუხდიან და არც გაუშვებენ - როგორ აპირებს ბაიერნი უპამეკანოს შენარჩუნებას

დაიოტ უპამეკანო, რომელიც ახალი კონტრაქტის გასაფორმებლად ხელფასის მნიშვნელოვან ზრდას ითხოვს, ჯერჯერობით ისევ ვერ აღწევს შეთანხმებას ბაიერნის ხელმძღვანელობასთან.

მიუხედავად ამისა, გერმანულ მედიაში წერენ, რომ ბაიერნს მაინც აქვს ფრანგი მცველის შენარჩუნების იმედი, რაც კლუბს ვენსან კომპანის ეფექტის გამო აქვს.

უპამეკანო ბელგიელი მწვრთნელის ხელში ძალიან განვითარდა და შესაბამისად, კომპანისთანაც შესანიშნავი ურთიერთობა აქვს, რომელსაც შეუძლია, რომ დაიოტი ისეთ პირობებზე დაითანხმოს, რომელიც კლუბისთვის იქნება მომგებიანი.

სხვა მხრივ, ბაიერნი არ აპირებს, რომ ფეხბურთელს ხელფასი 5 მილიონი ევროთი გაუზარდოს, თუმცა ისიც აშკარაა, რომ არც უპამეკანოს გაშვება იქნება მისაღები.