პსჟ-ს დემბელეც არ ეყოლება? - რა ინფორმაცია ვრცელდება ჩემპიონთა ლიგის მატჩის წინ

მიუნხენის ბაიერნს მომდევნო შეხვედრა 5 ნოემბერს, 00:00 საათზე ჩემპიონთა ლიგის ეგიდით ელის, სადაც გუნდის მეტოქე პარი სენ-ჟერმენი იქნება.

როგორც წერენ, ამ შეხვედრაში ლუის ენრიკეს გუნდის ერთ-ერთი ლიდერი, დეზირე დუე არ ეყოლება, რომელმაც შარშანდელ ფინალში ორი გოლი გაიტანა და ზოგადად, პსჟ-ისთვის საკმაოდ მნიშვნელოვანი ფიგურა იყო.

გარდა ამისა, არის შანსი, რომ დიდი მატჩი ოქროს ბურთის მოქმედმა გამარჯვებულმა, უსმან დემბელემაც გამოტოვოს, რომელმაც ნიცასთან მატჩის შემდეგ ბარძაყის უკანა კუნთი აიტკივა, რისი დამადასტურებელი ვიდეომასალაც არსებობს.

ამდენად, შესაძლებელია, ლუის ენრიკეს ბაიერნის წინააღმდეგ თამაში დუესა და დემბელეს გარეშე მოუწიოს.