Bild: "უპამეკანოზე რაც დაიწერა ყველაფერი ტყუილია"

გუშინ Foot Mercato-მ დაწერა, რომ დაიოტ უპამეკანოს მადრიდის რეალთან სიტყვიერი შეთანხმება ჰქონდა მიღწეული, რაც ფრანგ მცველს სამეფო კლუბთან ძალიან აახლოებდა.

ყოველივე ეს უარყო გერმანულმა Bild-მა, რომელსაც საპირისპირო ინფორმაცია აქვს:

"რეალს უპამეკანოსთან შეთანხმებას არ მიუღწევია. მიუხედავად იმისა, რომ მხარეებს შორის კონტაქტი არსებობს, შეთანხმებისგან ისინი ძალიან შორს არიან. კონტრაქტის განახლების ოფცია უპამეკანოს ბაიერნში ისევ აქვს და მოლაპარაკებები კვლავ მიმდინარეობს."

"ბაიერნს სურს, რომ ფრანგი მცველის მომავლის შესახებ გადაწყვეტილება ახალ წლამდე მიიღოს და თუ ეს არ მოხდა, 2026 წლიდან უპამეკანოს ოფიციალურად ექნება უფლება, რომ სხვა კლუბებთან დაიწყოს მოლაპარაკებები", - დაწერა გერმანულმა გამოცემამ.