"ბავშვობაში ადებაიორს ამ მიზეზით მეძახდნენ" - რას ამხელს დაიოტ უპამეკანო

L'equipe-სთან საუბრისას დაიოტ უპამეკანომ ბევრი საინტერესო საკითხი მიმოიხილა, თუმცა მისი პასუხები ძირითადად დავარცხნილი და პოლიტკორექტული იყო.

თუმცა, ერთის გამორჩევა მაინც შეიძლება, სადაც ბაიერნის მცველი ბავშვობის პერიოდს შეეხო:

"როდესაც ბავშვი ვიყავი, ფორვარდად ვთამაშობდი, ბევრი გოლი გამქონდა, მაღალი ვიყავი და დრედებს ვატარებდი, რის გამოც დანარჩენი ბავშვები ადებაიორს მეძახდნენ. მეკარის პოზიციის გარდა, პრაქტიკულად ყველგან მაქვს ნათამაშები. როდესაც ვალენსიენში გადავედი, სპორტულმა დირექტორმა მკითხა თუ სად მერჩივნა თამაში, მე კი ვუთხარი, რომ ყველგან შემეძლო საქმის გაკეთება, რაც მას მოეწონა და კონტრაქტი გამიფორმეს", - თქვა უპამეკანომ.

სხვათა შორის, კომპანის პსჟ-სთან მატჩის წინ უპამეკანოსთვის განსაკუთრებული დავალება ჰქონია. როგორც ფეხბურთელი ამბობს, მას უფლება ჰქონდა, რომ მეკარეც კი დაეპრისენგებინა თუ ამის საჭიროება გახდებოდა..