ასლანის კანდიდატურა ძალიან რეალური ხდება - მესამე კოსოვოელი ბაიერნში?

ფისნიკ ასლანი, რომელიც ჰოფენჰაიმსა და კოსოვოს ნაკრებში მშვენივრად გამოიყურება, მიუნხენის ბაიერნის სატრანსფერო სამიზნეა და როგორც ჩანს, საქმე საკმაოდ სერიოზულადაა.

ფლორიან პლეტენბერგი ამტკიცებს, რომ ასლანი ძალიან მოსწონს როგორც მაქს ებერლის, ისე კრისტოფერ ფროინდს, შესაბამისად, მისი ბაიერნში ტრანსფერის ალბათობა ძალიან მაღალია.

23 წლის თავდამსხმელის სატრანსფერო ღირებულება 17 მილიონი ევროა, რაც ბაიერნის მარკეტოლოგურ პოლიტიკას სავსებით აკმაყოფილებს.

თუ ფისნიკ ასლანი ახალი სეზონიდან ბაიერნს შეუერთდება, ის გახდება მესამე კოსოვოელი, ვისაც ბაიერნში ექნება ნათამაშები არიონ იბრაჰიმოვიჩისა და მერიტან შაბანის შემდეგ.