ყველაზე და ყველაფერზე წინ დგას - ვინაა ბაიერნის მთავარი სატრანსფერო პრიორიტეტი

ბოლო პერიოდში ბევრგან დაწერეს, რომ ბაიერნი ზამთრის სატრანსფერო ფანჯარაზე დიდად არ იაქტიურებს, თუმცა კლუბს რამდენიმე სამიზნე მაინც ჰყავს შერჩეული.

ფლორიან პლეტენბერგის თქმით, ამ სამიზნეებიდან პირველ ადგილზე მარკ გეჰი დგას, რომელსაც შეუძლია, რომ ბაიერნის დაცვა მნიშვნელოვნად გააძლიეროს.

გარდა დაცვის გაძლიერებისა, ბაიერნს გეჰი კიდევ იმიტომ უნდა, რომ გაურკვეველი ჩანს უპამეკანოს კონტრაქტის საკითხიც, რომლის ზამთარში წასვლაც გამორიცხული სულაც არ არის.

თავად მარკ გეჰის გადაწყვეტილი აქვს, რომ პალასი დატოვოს, თუმცა ამას ზამთარში იზამს თუ ზაფხულში, ეს ჯერ არ იცის.

ინგლისელი მცველით ლივერპული, ბარსელონა და რეალიც არიან დაინტერესებული, მაგრამ გეჰი ჯერჯერობით თავის ფავორიტს არ ასახელებს. ზოგიერთი გამოცემის თქმით, გეჰის მაიკლ ოლისესთან და ჰარი კეინთან მეგობრობა შესაძლოა ბაიერნს სხვა კლუბებზე მაღლა აყენებდეს კიდეც.