ბაიერნი ნანტის 17 წლის ფეხბურთელით დაინტერესდა - ფასი არც ისე დაბალია

ფრანგულმა Footmercato-მ დაწერა იმის შესახებ, რომ მიუნხენის ბაიერნი ნანტის 17 წლის ფეხბურთელით არის დაინტერესებული.

საქმე 17 წლის უკანახაზელს, ტაილელ ტატის ეხება, რომელიც საფრანგეთის 18-წლამდე ნაკრების წევრია და ლიგა 1-ის ერთ-ერთ ყველაზე გამორჩეულ ტალანტად ითვლება.

როგორც გამოცემა წერს, ნანტი მცველს 50 მილიონ ევროს აფასებს, თუმცა ტრანსფერის განხორციელება ზამთარში ნაკლებად მოსალოდნელია.

ტაილელ ტატი ცენტრალური მცველია და ვარაუდობენ, რომ ფეხბურთელი მალე დიდ კლუბში უნდა გადავიდეს.