ბაიერნის სკაუტმა თვალი სანტოსის ტალანტს დაადგა - ვის მიაგნო კლუბმა ბრაზილიაში

Bild-მა დაადასტურა წინა დღეებში გავრცელებული ინფორმაცია იმის შესახებ, რომ ბაიერნმა აქტიურად დაიწყო სამხრეთ ამერიკელი ფეხბურთელების შესწავლა.

ამავე გამოცემის ინფორმაციით, ბაიერნმა ყველასგან სანტოსის 19 წლის ფეხბურთელი, სოუზა გამოარჩია, რომელიც კლუბის სასტარტო ფეხბურთელი ამ სეზონში გახდა.

სოუზა ამპლუით მცველია, კონკრეტულად კი მარცხენა ფლანგზე თამაშობს. შესაძლოა, მისი პროფილის ფეხბურთელის ძიება ნიშნავდეს იმას, რომ კლუბი ბოლომდე არაა დარწმუნებული ალფონსო დევისის ძალაში, რომელსაც ის რეაბილიტაციის შემდეგ გამოავლენს.

სოუზას ამჟამინდელი ფასი სულ რაღაც 3 მილიონი ევროა.