"დღეს ასე ვუყურებ ბაიერნში ჩემს ტრანსფერს" - სადიო მანე

მიუნხენის ბაიერნის ყოფილმა ფეხბურთელმა, სადიო მანემ გერმანიაში წასვლა გაიხსენა და ზოგადად შეაფასა რეკორდმაისტერში ტრანსფერი:

"პირველ რიგში, მინდოდა, რომ ლივერპულში შექმნილი კომფორტის ზონა დამეტოვებინა და რაღაც ახალი გამომეცადა. ბაიერნი მაშინ ძალიან აქტიური იყო და მუდმივად კითხულობდა ჩემს ამბავს, საბოლოოდ კი ვთქვი, რომ ეს უნდა გამეკეთებინა, თუმცა ბაიერნში ტრანსფერის არარსებობის შემთხვევაში, წესით საუდის არაბეთში არ წავიდოდი. ბუნდესლიგაში წასვლას შეცდომად არ ვაფასებ, ის ჩემთვის მნიშვნელოვანი ნაბიჯი იყო ახალი გამოწვევებისთვის კარის გასაღებად", - თქვა მანემ.

შეგახსენებთ, რომ ბაიერნმა სადიო მანე 2022 წელს 32 მილიონი ევროს სანაცვლოდ დაიმატა, ერთ სეზონში კი სენეგალელმა მხოლოდ 12 გოლი გაიტანა.