რა იქნება კარლის გამოსასყიდი ახალი კონტრაქტით

კარლი ჯერ 17 წლისაა, მაგრამ 18 წლის ასაკში გერმანელი ტალანტი ბაიერნთან ახალ, რამდენიმეწლიან ხელშეკრულებას გააფორმებს და მისი გამოსასყიდიც გვეცოდინება.

გარკვეული ინფორმაციით, ბაიერნმა შესაძლოა ვუნდერკინდის გამოსასყიდად ფასი 100 მილიონ ევრომდე გაზარდოს, თუმცა არის უფრო უკიდურესი ვარიანტიც.

მეორე ვერსიით, ბაიერნის ხელმძღვანელობა კარლის კონტრაქტში გამოსასყიდს საერთოდ არ ჩადებს, რადგან ფეხბურთელის მომავალს არაფერი დაემუქროს, მით უფრო იმიტომ, რომ ინგლისურ კლუბებს 100 მილიონის გადახდა თავისუფლად შეუძლიათ.

17 წლის კარლი ევროპული ფეხბურთის ერთ-ერთი ყველაზე ამაღელვებელი მოთამაშეა, რომელიც ასაკის მიუხედავად უკგე ძალიან დიდ როლს თამაშობს ბაიერნის წარმატებაში და გასაკვირი არაა, რომ კლუბი ფეხბურთელის დიდი ხნით დატოვებაზე ზრუნავდეს.