ცნობილია როგორ კონტრაქტს გააფორმებს გნაბრი ბაიერნთან

კრისტიან ფალკი წერს, რომ სერჟ გნაბრის ბაიერნთან ახალი ხელშეკრულება 99%-ით უკვე გაფორმებული აქვს და შეგვიძლია ხელშეკრულების დეტალებზეც ვისაუბროთ.

ჟურნალისტის თქმით, გერმანელი ფეხბურთელი ბაიერნში კიდევ 2 წლით დარჩება, მისი კონტრაქტის საბონუსე სისტემა კი პერფორმანსის ხარისხზე იქნება დამოკიდებული.

გნაბრი ახალი ხელშეკრულებით მაქსიმუმ 15-16 მილიონ ევროს გამოიმუშავებს, არადა ახლა ფეხბურთელი 20-23 მილიონ ევრომდე იღებს.

ეს ნიშნავს, რომ ხელფასის შემცირებაზე ინფორმაცია მართალი აღმოჩნდა, რასთანაც გნაბრისაც არასდროს ჰქონია პრობლემა.