"მთავარია ეს არ გააკეთოს" - ული ჰიონესის გაფრთხილება ლენარტ კარლს

ბაიერნის საპატიო პრეზიდენტი, ული ჰიონესი იმ განცხადებას ეხმაურება, რომელიც ლენარტ კარლმა რამდენიმე დღის წინ მადრიდის რეალში ტრანსფერთან დაკავშირებით გააკეთა:

"ის, რასაც ის რეალ მადრიდზე ამბობდა, ნებისმიერი ახალგაზრდა ბიჭი იტყოდა. რუმენიგემაც თქვა მსგავსი რამ თავის დროზე. ახალგაზრდა ფეხბურთელებს შეუძლიათ მსგავსი რამ თქვან. უბრალოდ, ფრთხილად უნდა იყვნენ, რომ არ გადააჭარბონ. სხვა შემთხვევაში, ეს საერთოდ არ არის პრობლემა", - თქვა ჰიონესმა.

გავრცელდა ხმები, რომ კარლმა ამ განცხადების გაკეთების შემდეგ თავისი პასუხისმგებლობა იგრძნო და კლუბში ბოდიში მალევე მოიხადა, რის გამოც სიტუაცია მეტად აღარ გართულებულა და გაღრმავებულა.