მბაპეს რეკორდს მოხსნის - რატომ სჭირდება დღეს ლენარტ კარლს გოლის გატანა

დღეს, 23:55-ზე მიუნხენის ბაიერნი ჩემპიონთა ლიგაზე ბელგიურ როიალ უნიონს უმასპინძლებს, სადაც ლენარტ კარლს კილიან მბაპეს რეკორდის გაუმჯობესება შეეძლება.

მადრიდის რეალის ფრანგმა შემტევმა 18 წლისა და 120 დღის ასაკში, მონაკოს მაისურით ზედიზედ 4 შეხვედრაში შეძლო ჩემპიონთა ლიგაზე გატანა, თუმცა ამ რეკორდს კარლის სახით დიდი საფრთხე ემუქრება.

ლენარტი ახლა 17 წლისა და 290 დღისაა, ლიგაზე კი ზედიზედ სამ შეხვედრაში აქვს გატანილი. თუ ბაიერნის ახალგაზრდა ფეხბურთელი დღესაც გაიტანს, ის ამ რეკორდის ერთპიროვნული მფლობელი გახდება.