ტრენტი ბაიერნში? - ესპანეთში არნოლდის რეალიდან წასვლაზე ალაპარაკდნენ

Fichajes-ის მიერ გავრცელებული ინფორმაციის თანახმად, მიუნხენის ბაიერნმა ახლა ან ახალი სეზონიდან შესაძლოა ტრენტ ალექსანდერ არნოლდი დაიმატოს.

როგორც ესპანური წყარო ამტკიცებს, იმ ფაქტის გამო, რომ ტრენტმა რეალში ფეხი ვერ მოიკიდა, მისთვის ახალი კლუბის მონახვა პრაქტიკის დასაბრუნებლად კარგი ვარიანტი იქნებოდა, ბაიერნი კი ერთ-ერთი კანდიდატია.

ბავარიული კლუბი მარჯვენა მცველს ისედაც აქტიურად დაეძებს, რადგან საშა ბოეის დაგეგმილ გაშვებასთან ერთად ამ პოზიციაზე ახალი ფეხბურთელი გუნდს დანამდვილებით სჭირდება.

წყარო წერს, რომ ბაიერნი უპირატესობას გამოცდილ და მაღალ დონეზე ნათამაშებ მცველს მიანიჭებს, ამ კრიტერიუმებს კი ინგლისელი მცველი სრულებით აკმაყოფილებს.