ხმების უმეტესობით - ფანებს უპამეკანოს მიმართ მოთხოვნები აქვთ

როგორც ჩანს, ბაიერნის ადგილობრივ გულშემატკივარს უპამეკანოს კონტრაქტის გახანგრძლივებაზე ლოდინი ყელში ამოუვიდა და ისინი ცვლილებებს ითხოვენ.

Bild-მა გამოაქვეყნა გამოკითხვის შედეგები, სადაც მონაწილეობა 50 000-ზე მეტმა გერმანელმა გულშემატკივარმა მიიღო, აქედან კი 87% თვლის, რომ ბაიერნმა დათმობა უნდა შეწყვიტოს.

ქომაგებს მიაჩნიათ, რომ კლუბი ზედმეტად ფრთხილად ექცევა იმ ფეხბურთელს, რომელსაც ეს სულ არ დაუმსახურებია, რაც გამოკითხვის შედეგების ერთსულოვნებაშიც იგრძნობა.

უპამეკანო ითხოვს, რომ გამოსასყიდი 2027 წლიდან გააქტიურდეს, ბაიერნი კი 2028 წელს ამჯობინებს, თუმცა პრობლემა აქ ზოგადი ფონი და ის ფრთხილი დამოკიდებულებაა, რასაც კლუბი ფრანგი უკანახაზელის მიმართ იჩენს.