ჰიონესმა გააკრიტიკა - უპამეკანო თავისივე კონტრაქტზე შეხვედრებს არც კი ესწრება

როგორც გერმანულ მედიაში იწერება, დაიოტ უპამეკანო არც კი ესწრება იმ შეხვედრებს, რომლებსაც მისი და ბაიერნის წარმომადგენლები კონტრაქტთან დაკავშირებით მართავენ.

აღნიშნული ძალიან არ მოსწონს ული ჰიონესს, რომელსაც არ ესმის თუ რატომ იქცევა ასე ფრანგი ფეხბურთელი, რადგან თავად ბაიერნმა მისი მოთხოვნები ბოლომდე გაითვალისწინა და მაქსიმალურ დათმობაზე წავიდა.

უპამეკანოს მოლაპარაკებების საკითხი ბოლომდე აგენტებისთვის აქვს მინდობილი, თავად კი ახალ წინადადებებს ისმენს, რაც ჰიონესს ძალიან არ მოსწონს.

ბაიერნი აპირებს, რომ ფეხბურთელს თავად მოუწოდოს საუბრებში ჩართვისკენ, წინააღმდეგ შემთხვევაში მისი კლუბში დარჩენის შანსები შემცირდება.