ვინისიუსის პასუხი ბაიერნს: ბერნაბეუმ პირველიდან ბოლო წუთამდე უნდა იბრძოლოს!

მადრიდის რეალის ვარსკვლავმა, ვინისიუს ჟუნიორმა, ხვალინდელ მატჩზე ისაუბრა და ბაიერნი უდიდეს მეტოქედ დაახასიათა.

ბრაზილიელი ფორვარდი აღიარებს, რომ მიუნხენელებმა მიმდინარე სეზონში უამრავი თამაში მოიგეს და წინ რთული ბრძოლა ელით, თუმცა რეალი მზადყოფნასა და თავდაჯერებას ინარჩუნებს. ვინისიუსის თქმით, ბერნაბეუს მხარდაჭერა პირველიდან ბოლო წუთამდე კრიტიკულად მნიშვნელოვანი იქნება ბაიერნის დასამარცხებლად.

ჰარი კეინის შესაძლო არყოფნაზე საუბრისას, ვინისიუსმა აღნიშნა, რომ ინგლისელი ბევრ გოლს იტანს, თუმცა ბაიერნი დიდი გუნდია, რომელსაც პოზიციების შეცვლა და ნებისმიერი ფეხბურთელით საფრთხის შექმნა შეუძლია. მისი აზრით, მნიშვნელობა არ აქვს, ვინ იქნება ხვალ მოედანზე მეტოქის მხრიდან - რეალი ნებისმიერი სცენარისთვის მზად უნდა იყოს.