ვიდალი: “როცა თამაში იძაბება, როცა მათ უჭირთ, უცებ ჩნდება მომენტი.. ერთი სტვენა..”

არტურო ვიდალმა, რომელსაც მადრიდის რეალთან საკუთარი ანგარიშები აქვს, მორიგი ხმაურიანი განცხადება გააკეთა. ჩილელი ნახევარმცველი პირდაპირ ამბობს, რომ სამართლიანი თამაშის პირობებში ბაიერნი უპირობო ფავორიტია და მადრიდელების გამარჯვება ხშირად არა ფეხბურთით, არამედ სხვა გარემოებებით არის განპირობებული.

ვიდალი: „ხალხი მეკითხება, შეუძლია თუ არა რეალს ბაიერნის დამარცხება და მე უბრალოდ მეცინება. არა იმიტომ, რომ ეს შეუძლებელია, არამედ იმიტომ, რომ ყველამ ვიცით, როგორ ხდება ეს ჩვეულებრივ. ნუ ვიმოქმედებთ ისე, თითქოს ფეხბურთი ყოველთვის მხოლოდ მოედანზე წყდება, როცა საქმე გარკვეულ გუნდებს ეხება.

ბაიერნის წინააღმდეგ იმიტომ იტანჯები, რომ ისინი ინტენსივობით, სტრუქტურითა და მენტალიტეტით გჯობნიან. მათ ზედმეტი არაფერი სჭირდებათ. მაგრამ რეალთან სხვაგვარადაა. როცა თამაში იძაბება, როცა მათ უჭირთ, უცებ ჩნდება მომენტი... ერთი სტვენა... რაღაც, რაც ყველაფერს ცვლის. და ყველა ისე იქცევა, თითქოს ეს უბრალოდ ფეხბურთის დრამაა.

თუ ბაიერნი და რეალი შეხვდებიან და ყველაფერი სამართლიანი იქნება — ყოველგვარი დაპირისპირების, უცნაური გადაწყვეტილებებისა და გარე გავლენების გარეშე — ბაიერნი მოიგებს. ამაზე დებატებიც კი არ ღირს. ისინი უფრო სრულყოფილები, დისციპლინირებულები და თანმიმდევრულები არიან.
რეალი კი ქაოსით ცოცხლობს. ისინი ელიან იმ ერთ მომენტს, იმ ერთ ნაპერწკალს, იმ ერთ გადაწყვეტილებას, რომელიც მათ სასარგებლოდ იქნება. და რაღაცნაირად, ეს მომენტი ყოველთვის მაშინ ჩნდება, როცა მათ ყველაზე მეტად სჭირდებათ. თქვენ შეგიძლიათ ამას გამოცდილება დაარქვათ, შეგიძლიათ მენტალიტეტი... მე ამას სხვას რამეს ვეძახი.“