ერნანდესი ბაიერნში ყველაფრის მოსაგებად გადმოვედი

მიუნხენის "ბაიერნის" ახალგაზრდა მცველმა, ლუკა ერნანდესმა, ჩემპიონთა ლიგის პირველ 1/8 ფინალურ შეხვედრაზე ისაუბრა.

"მძიმე მატჩი გველოდება. მობილიზებულები და დისციპლინირებულები უნდა ვიყოთ. რაც შეიძლება ნაკლები შეცდომა უნდა დავუშვათ იმისათვის, რომ საპასუხო მატჩი, რომელშიც ზურგს საკუთარი ფანები გაგვიმაგრებენ, კომფორტული იყოს.

მიზანი ჩემპიონთა ლიგაზე? "ბაიერნს" იმისათვის შემოვუერთდი, რომ ყველაფერი მოვიგო: ბუნდესლიგა, გერმანიის თასი და ჩემპიონთა ლიგა", - აღნიშნა 24 წლის ფრანგმა.

"რეკორდმაისტერი" მერვედფინალურ ეტაპზე ლონდონის "ჩელსის" დაუპირისპირდება. პირველი მატჩი 26 თებერვალს, ჩვენი დროით 00:00 საათზე, ლონდონში გაიმართება.