რობენი: "ოლისეს თამაშით ვტკბები, მაგრამ ჩემთან შედარებებს უნდა ვერიდოთ"

მიუნხენის ბაიერნის ლეგენდამ, არიენ რობენმა, მაიკლ ოლისეს მიერ რეალის წინააღმდეგ ნაჩვენები პერფორმანსი შეაფასა. ჰოლანდიელი აღფრთოვანებულია ახალგაზრდა ფრანგის თამაშით, თუმცა მიიჩნევს, რომ ყველა ფეხბურთელი ინდივიდუალურია.

რობენმა ოლისეს თამაში დადებითად დაახასიათა და მის ენერგიას გაუსვა ხაზი:

„ვფიქრობ, ის ძალიან კარგი იყო. ეს, რა თქმა უნდა, ჩემი პოზიციაცაა. ის ბრწყინვალედ გამოიყურებოდა — თამაშობდა ენერგიულად, კრეატიულად და ბურთთან მუშაობის საოცარი უნარები აჩვენა.“

კითხვაზე, რამდენად ჰგავს ოლისეს სტილი მისას, არიენმა ფრთხილი პასუხი გასცა:

„გარკვეული პარალელები ნამდვილად არსებობს, მაგრამ შედარებებთან ყოველთვის ფრთხილად უნდა ვიყოთ. არ მიყვარს ფეხბურთელების ერთმანეთთან შედარება, რადგან თითოეულს საკუთარი სტილი აქვს. რა თქმა უნდა, რაღაცებში ვგავართ, მაგრამ საბოლოო ჯამში, ის ჩემგან განსხვავებული მოთამაშეა. ის თავის საქმეს ბრწყინვალედ აკეთებს, რაც ძალიან მახარებს და ამით სიამოვნებას ვიღებ.“