ენრიკე: “ჩვენ მოქმედი ჩემპიონები ვართ და წინ ორი დაუჯერებელი თამაში გველის”

პსჟ-ს მთავარმა მწვრთნელმა, ლუის ენრიკემ, ჩემპიონთა ლიგის ნახევარფინალურ დაპირისპირებაზე ისაუბრა. ესპანელი სპეციალისტი აღიარებს ბაიერნის სიძლიერეს, თუმცა საკუთარი გუნდის სტატუსსაც ხაზს უსვამს.

ენრიკეს თქმით, პარიზელებს წელს საკმაოდ მძიმე კალენდარი ჰქონდათ:

„ჩემპიონთა ლიგაზე რთული განრიგი გამოვიარეთ და ახლა ევროპის ერთ-ერთ საუკეთესო გუნდს დავუპირისპირდებით. თუმცა, ჩვენ მოქმედი ჩემპიონები ვართ. რთულია წინასწარ იმის თქმა, რა მოხდება. წინ ორი დიდი მატჩია და ბედნიერები ვართ, რომ საუკეთესო ოთხეულში მოვხვდით. ეს იქნება უმაღლესი დონის ორი დაუჯერებელი შეხვედრა.“

კითხვაზე, თუ ვინ მიიჩნევა წყვილის ფავორიტად, მწვრთნელმა პირდაპირ უპასუხა:

„ფავორიტები? არ აქვს მნიშვნელობა, ვინ არის ფავორიტი. მთავარია ის, რასაც მოედანზე ვაჩვენებთ.“