კომპანი: "ჯამალი ახლა უფრო თავისუფალია, მისგან ბევრს ველოდებით."

სერჟ გნაბრის მძიმე ტრავმის შემდეგ, ბაიერნის შეტევაში მთავარი აქცენტი ჯამალ მუსიალაზე გადადის. გუნდის მთავარმა მწვრთნელმა, ვინსენტ კომპანიმ, ახალგაზრდა ვარსკვლავის შესახებ ისაუბრა და აღნიშნა, რომ სანაკრებო პაუზის შემდეგ მუსიალა მოედანზე ბევრად უფრო თავდაჯერებული ჩანს.

კომპანი წუხს გნაბრის გამო, თუმცა მუსიალას პროგრესით კმაყოფილია:

„რა თქმა უნდა, დასანანია, რომ სერჟი ახლა ჩვენთან არ იქნება, რადგან მან ამ სეზონში გუნდისთვის ბევრი რამ გააკეთა. თუმცა, ვგრძნობ, რომ სანაკრებო შესვენების შემდეგ ჯამალი უფრო თავისუფალი გახდა.“

ბელგიელ სპეციალისტს არ სურს, რომ მთელი პასუხისმგებლობა მხოლოდ ერთ ფეხბურთელს დააკისროს:

„არ მინდა მთელი წნეხი ჯამალზე გადავიტანო, ეს სამართლიანი არ იქნება. მაგრამ თუ ის ასე გააგრძელებს, ჩვენ ყველამ კარგად ვიცით, რისი მოლოდინი შეიძლება გვქონდეს მისგან.“