კომპანი: “მან ისეთი თამასა დააწესა, რომ მისი გოლები ჩვეულებრივი ამბავი გვგონია”

ვინსენტ კომპანი მაიკლ ოლისეს მორიგი შედევრით აღფრთოვანებულია. მაინცთან გატანილი ფანტასტიკური გოლის შემდეგ, ბაიერნის მწვრთნელმა აღნიშნა, რომ ფრანგმა შემტევმა ყველა მიაჩვია იმას, რაც სინამდვილეში არანორმალურია.

„მაიკლმა საკუთარ თავს ისეთი მაღალი თამასა დაუწესა, რომ გული დამწყდებოდა, ის ბურთი კარში რომ არ გასულიყო - ეს კი აბსურდია. ასეთი გოლები ნორმა არ უნდა იყოს, მაგრამ მან ჩვენ ამას მიგვაჩვია“ - განაცხადა კომპანიმ.

ოლისეს მორიგი გამოსვლა კიდევ ერთხელ ადასტურებს, რომ ის მიუნხენური გუნდის ერთ-ერთი მთავარი იარაღია სეზონის გადამწყვეტ ფაზაში.