ბაიერნმა საჩემპიონო რეიტინგში პოზიცია დათმო - სუპერკომპიუტერის ახალი პროგნოზი

ჩემპიონთა ლიგის ნახევარფინალური ეტაპის პირველი მატჩების შემდეგ, Opta-ს სუპერკომპიუტერმა გუნდების შანსები ხელახლა შეაფასა. მონაცემების განახლებამ ბაიერნის გულშემატკივრებისთვის საინტერესო სურათი აჩვენა: მიუნხენურმა გრანდმა მთავარ ფავორიტებს შორის ადგილი პარიზულ კლუბს დაუთმო.

რეიტინგის სათავეში კვლავ ლონდონის არსენალი რჩება, რომლის ჩემპიონობის შანსი 34.90%-ით ფასდება. თუმცა, ყველაზე მნიშვნელოვანი ცვლილება მეორე პოზიციაზე მოხდა, პარი სენ-ჟერმენმა ბაიერნი ჩაანაცვლა.

პარიზელთა შანსები საგრძნობლად, თითქმის 12.9%-ით გაიზარდა და ამჟამად 32.25%-ს შეადგენს. ამავდროულად, ბაიერნის ჩემპიონობის ალბათობა 22.67%-მდე შემცირდა, რითაც გუნდი მესამე ადგილზე გადავიდა.

საჩემპიონო პროგნოზი ამჟამად ასე გამოიყურება:

არსენალი — 34.90%

პსჟ — 32.25%

ბაიერნი — 22.67%

ატლეტიკო — 10.18%